ألقى مسؤول لجنة الإحصاءات في التيار الوطني الحر الكلمة التالية مفنداً بالأرقام الانتخابات النيابية المتتالية منذ العام 1992 وصولاً إلى الانتخابات الأبشع والتي حصلت في العام 2009 وكيفية تشكيل الحكومة وفقاً للأرقام:
“حرب الغائنا من الدولة اللبنانية يللي بديت بسنة 1989 باتفاق الطائف وترجمت عسكريا بسنة 1990، ومن ثم بابعادنا 15 سنة، وبعدها بانتخابات التحالف الرباعي سنة 2005، واستكملت بتأليف الوزارة وابعاد فقط التيار الوطني الحر عنها (حتى ان التحالف وقتها صار مع الادوات الامنية السورية برأيهم لانو اكيد اهين من التعاطي مع التيار يللي بدو يعمل تغيير واصلاح ويللي بدو يحاسب كل انسان سرق وارتكب) ، كل هل المراحل ما خلصت حتى وصلنا لانتخابات 2009.
نعم كلكن بتعرفوا هل الانتخابات شو صار فيها بس رح ارجع عيد حتى تضلوا مذكرين:
- انتخابات 1992 صارت بمقاطعة مسيحية اسلامية شاملة، يللي شاركوا ما تعدو ال 14% ولكنها صارت وافرزت مجلس نيابي جديد.
- انتخابات 1996 صارت بمقاطعة مسيحية كبيرة ولكنها صارت وافرزت ايضا مجلس نيابي جديد وهون زاد عنصر جديد وهني المجنسين يللي كان عددن وقتها ما بيتجاوز ال 100000 صوت.
- انتخابات 2000 صارت بمقاطعة مناصري التيار الوطني الحر ولكنها صارت وافرزت ايضا مجلس نيابي جديد وهون زاد 2 عناصر جديدة وهن مصالحة الجبل ودفع التعويضات للمهجِرين والمهجِرين، وقانون غازي كنعان الانتخابي.
- انتخابات 2005 قامت على تحالف رباعي مسلم ولكن حقيقة كان بهل الانتخابات التيار الوطني الحر لحالو عالساحة ضد كل من تحالف ضدو من مسلمين ومسيحيين وهون صرنا نشوف انو عنصر المال الانتخابي صار اساس .
- انتخابات 2009 متل خياتا ؟
يا ريت :
مال (كلفة اكبر من كلفة انتخابات الرئاسة الاميركية يعني يفوق 750000 مليون دولار)
مجنسين (اكثر من 300000 مجنس شاركوا بالانتخابات)
قانون انتخابي غير عادل (يحق للمسيحيين انتخاب فقط 41 نائب مسيحيي باصواتن من اصل 64)
والمفارقة الجديدة استيراد المسافرين والمهاجرين لتغيير النتيجة الحتمية يللي كانت بتقول انو المعارضة رح تربح الانتخابات (العدد الغير رسمي للي شاركوا بالاقتراع يتجاوز ال 70000 صوت)
تحويل سجلات من قضاء الى اخر ذات طابع طائفي واحد.
كل هالسرد لوصلكن لنتيجة وحدة وهيي :
المطلوب الغاء الدور المسيحي في لبنان
حدا بيعرف قديش صار عديد المسيحيين بالادارات الرسمية ؟
حدا بيعرف قديش صار عديد المسيحيين بالقوى العسكرية ؟
كلنا صرنا نعرف انو المسيحيين ما بيقدروا ينتخبوا الا 41 نائب مسيحيي من اصل 64
بس هلق صار لازم كمان نعرف انو حتى لو كانت حصة المسيحيين 15 وزير بالحكومة ، ممنوع على المسيحيين انو يختاروهم ليش:
3 وزرا مسيحيين لرئيس الجمهورية
وزيران للقوات ووزيران للكتائب
5 وزراء للتيار الوطنى الحر بس طبعا النائب سعد الحريري هو بيقرر مين ولاي وزارة (ما بعرف اذا نفس الشي بيصير مع فريق سياسي غير التيار)
بس المدهش انو بعد في 3 وزرا مسيحيين ما منعرف حصتهم لمين.
شو المعنى ، يعني الضغط عم بيصير فقط على المسيحيين ، سمعتو انو النائب الحريري هو اختار وزراء الاشتراكي او امل او حزب الله؟
واكتر ، الضغط منو الا على التيار الوطني الحر من الفريق المسيحي ليش؟
- الحزب الاشتراكي حصل على 77 % من اصوات الدروز واخذ ال3 مقاعد الوزارية وكأنو ال 23% الباقين غير موجودين وما الن حق بالتوزير.
- المستقبل حصل على 79% من اصوات السنة واخذ ال5 مقاعد الوزارية وكأنو ال 21% الباقين غير موجودين وما الن حق بالتوزير.
- امل وحزب الله حصلوا على 95% من اصوات الشيعة واخذو ال5 مقاعد الوزارية وبفتكر هون في عدالة.
- اما التيار فحصل على 52% من اصوات المسيحيين وممنوع ياخذ اكتر من 5 وزراء من اصل 15 يعني 30% من وزرا المسيحيين.
بفتكر صارت واضحة الفكرة شو المطلوب حاليا
الغاء الحضور المسيحي بلبنان عبر ضرب اكبر ممثل لالو يعني التيار الوطني الحر
متل ثاني على هالمنهجية بالتعاطي بنشوفا بموضوع وبمفاعيل قانون التجنيس وتحويل السجلات من قضاء الى اخر:
- بتعرفو انو بقضاء زحلة كان الفرق بالاصوات بين لائحة الموالاة والمعارضة حوالي 7500 صوت شوفو من وين اجا الفرق:
اخدت لائحة الموالاة 1200 صوت شيعي و 24500 صوت سني و350 صوت درزي
بينما اخدت المعارضة 14500 صوت شيعي و3700 صوت سني و 180 صوت درزي بفارق 7670 صوت لصالح الموالاة وتذكروا شو كانت فارق النتيجة بزحلة 7500 صوت يعني انو مسيحيي زحلة صوتوا للكتلة الشعبية والتيار الوطني الحر بنسبة 50.50% وصوتوا ل14 اذار بنسبة 49.50%.
- بتعرفو انو بقضاء الكورة كان الفرق بالاصوات بين لائحة الموالاة والمعارضة حوالي 1990 صوت شوفو من وين اجا الفرق:
اخدت لائحة الموالاة 3283 صوت سني
بينما اخدت المعارضة 1243 صوت سني بفارق 2040 صوت لصالح الموالاة وتذكروا شو كانت فارق النتيجة بالكورة 1990 صوت يعني انو مسيحيي الكورة صوتوا للمعارضة والتيار الوطني الحر بفارق 50 صوت.
هيدي هي السنية السياسية يا اخوان يللي استباحة كل المحرمات:
املاك الناس (سوليدار)
المال العام (دين يفوق ال 55 مليار دولار)
الوظائف العامة (الغاء لدور المسيحيين في الادارات)
القوى العسكرية (عدم افساح المجال للمسيحيين بالانخراط بالقوى العسكرية واستبدال مراكزهم بقوى سنية)
قانون انتخابي جائر لمصلحة الطائفة السنية خصوصا.
وزراء مسيحيين من فريق المستقبل وحلفائه.
نقل نفوس السنة من دائرة الى اخرى لتغيير النتيجة الانتخابية لهي الدائرة
واخيرا وليس اخرا ما اتحفنا به مفتي جبل لبنان وهو مطالبته جهارا بتوطين الفلسطينيين وهيدا هو الهدف من الحرب على لبنان من سنة 1968 وحتى اليوم.
نعم المشروع السياسي السني هو مشروع الغاء او تعطيل بالحد الادنى للدور السياسي لكل الطوائف الاخرى ينفذ اليوم على المسيحيين وقسم من الدروز ويستتبع على الشيعة بعد اجبارن على تسليم اسلحة المقاومة بشتى الاساليب الداخلية ، الاقليمية او الخارجية ، نعم هذا هو المشروع ولكن
ليلي ما بيعرف تاريخ المسيحيين والتيار الوطني الحر بنقول :
انتو مش اخطر من الجيش السوري ومش رح بتكونوا
انتو مش اخطر من الجيش التركي ومش رح بتكونوا
انتو مش اخطر من المماليك ومش رح بتكونوا
انتبهو انتو بمواجهة التيار الوطني الحر العنيد بوطنيتو وباخلاصو لوطنو فرجاء ما تجربوا لان النتيجة واحدة
يللي صمد ميات السنين بلبنان مش رح يخاف من تاجر او فاسد او سارق او منتحل او مغتصب فحذاري من استمرار مشروعكم.
واخيرا وليس اخرا بنقول لاهلنا بحمانا :
الانتخابات النيابية ونتائجها خلفنا
الانتخابات البلدية امامنا
التيار الوطني الحر حزب سياسي اصلاحي عندو مشروع وطني اقتصادي ثقافي اجتماعي وتنموي كامل .
لكل المهتمين بالعمل البلدي بنقول ، نحنا جاهزين للتواصل على اهداف واضحة وعلى مشاريع تخص كل حمانا
وكل من عندو نفس الاهداف ما رح يشوف فينا الا حلفا صادقين ومخلصين وبالمقابل ما رح نقبل نتعاون الا مع اشخاص عندن نفس الصفات والاخلاق والاهداف.
http://www.tayyar.org/Tayyar/News/PoliticalNews/ar-LB/128974771397467116.htm
ليست هناك تعليقات:
إرسال تعليق